سلامِمْ   وِ   خوُزسوُ  /  جا كهِ شيروُنهَ

مَردِمِش   شهيد   پَرورَ  /    شيري زبوُنهَ

سلامِمْ   وِ   كشاوَرز /   شفَق   وِريسهَ

اَنجمَن    دِ   هَمهَ   جا /  پُشتِش  مي هيسهَ

سلامِمْ   وي   سَرزمي /  حاصل  بيارِمْ

اَر   سند   قَطعي   بِيرِمْ  /  مهِ   غَمي نارِمْ

همايش  نوَد وُ   سه / جمع بين بِراروُ

سَر   پِرَس   اَنجمَن   شوش / رَتهَ وِ تهروُ

دَس  بهِ  موُ وِ دَس يَك  / توليد اِمسال

گِروُنين   مِهار   بَكيمْ /    مَردِمِن خوُشحال

بَتوُنيمْ  سَمْ وُ  كوُتِن / دِ مي وِر داريمْ

مَحصوُلِ   اُرگانيكي      /     اِيما    بَكاريمْ

چَن  بِرار  دوُ   اَنجمَن / پُشتِ سَرِمْ با

صَد   هكتار   زمين   خوُ /  وِ زير دَسمْ با

مي كارِمْ   مي  وِر دارِمْ /  چنوُ  بهايي

آردِ   خوُ   تَحويل   مي يمْ /    وِ  نوُنوُايي

سه  دهَ   مُستاجري  /   سَرايي زمينمْ

گَرماي   شَص  ­درجهَ/   حوُشك ­كِردهَ خينمْ

خدا   قُوَت   مِيا  بوُوِمْ / وِ جمعِ حاضر

هَركاري    شما   داريد  /   اَنجمَن    ناظر

كُل   دوُنيت كشاوَرزي / حلالهَ  نوُنِش

زَحمتِ    زياد    دارهَ   /   سي   مَردِمنِش

كاغذي  وَنمْ   نِهامْ  /   قلمْ   وِ  دَسمْ

كشاوَرز  دوُس   دارِمْ   /   اِ   هَمهَ   كَسمْ

تشَكُر  دوُ   اَنجمَن   /  شهر وُ ديارِمْ

خوُمْ  وُ   بَچوُون   بيمهَ كِرد / ايل وُ تَبارِمْ

چَن   تا شعر سي بِراروُ/اوُ لُر زبوُنمْ

شاعر   شعر   پيا    قلي  /  دوُ سَگوَنوُنمْ